ស្បែកស្ងួត គឺជាបញ្ហា និងជាកង្វល់មួយចំពោះសម្រស់ស្បែក។ អ្នកមានបញ្ហានេះជួនកាលទោះប្រើផលិតផលក្រែមរក្សាសំណើមស្បែកអស់ជាច្រើនប្រភេទក៏ដោយ ក៏កង្វល់មួយនេះហាក់នៅតែមិនអាចបំបាត់បានក៏មាន។ ដើម្បីកុំឱ្យស្បែករាងកាយអ្នកប្រឈមនឹងបញ្ហានេះ អ្នកគួរអាន ហើយអនុវត្តតាមការណែនាំខាងក្រោមនេះ៖
១. ផឹកទឹកឱ្យបានច្រើន
ការទទួលទានទឹកឱ្យបានច្រើនគឺជាប្រការដ៏សំខាន់មួយក្នុងការជួយឱ្យស្បែកមានសំណើម។ យ៉ាងហោចណាស់ គួរទទួលទានទឹកឱ្យបានយ៉ាងតិច ៨ កែវក្នុងមួយថ្ងៃ ព្រោះវាក៏អាចជួយបណ្តេញជាតិពុលចេញពីរាងកាយ និងការពារមិនឱ្យមានកើតមុនបានផងដែរ។
២. ជៀសវាងការងូតទឹកក្តៅ
ការងូតទឹកក្តៅគឺជាហេតុផលមួយដែលបណ្តាលឱ្យស្បែកស្ងួត។ គួរកុំងូតទឹកក្តៅ បើសិនជាអ្នកចង់បានស្បែកទន់ និងមានសំណើម។ ការងូតទឹកក្តៅប្រៀបដូចជាការលាងជម្រះជាតិប្រេងដ៏សំខាន់ចេញពីស្បែកជាហេតុធ្វើឱ្យស្បែកមានសភាពស្ងួត។
៣. ជ្រើសរើសសាប៊ូដុសខ្លួនឱ្យបានត្រឹមត្រូវ
សារធាតុគីមីដែលមានក្នុងសាប៊ូដុសខ្លួនអាចនឹងបណ្តាលឱ្យស្បែកស្ងួតបាន។ ដូចនេះ អ្នកគួរជ្រើសប្រើសាប៊ូដុសខ្លួនប្រភេទណាមួយដែលអាចជួយរក្សាសំណើមស្បែក ឬក៏ប្រើជែលដែលមានផ្ទុកសារធាតុគីមីក្នុងកម្រិតទាប។
៤. ប្រើក្រែមការពារកម្តៅថ្ងៃ
ការរលាកស្បែកពីកម្តៅព្រះអាទិត្យជាហេតុបណ្តាលឱ្យស្បែករបស់អ្នករបក។ ហេតុនេះអ្នកគួរលាបឡេការពារកម្តៅព្រះអាទិត្យដើម្បីជៀសវាងកុំឱ្យរបកស្បែក ឬក៏ស្បែកស្ងួត៕
ប្រភព៖ boldsky
0 comments so far,add yours